ტრენერთა ტრენინგი ბორჯომში

2012 წლის 19-21 დეკემბერს ბორჯომში ჩატარდა გეოგრაფიის ტრენერთა ტრენინგი.
განხილული იქნა ტრენინგ-მოდული გეოგრაფიაში და მასში შეტანილი იქნა გარკვეული ცვლილებები.

მოგზაურობა ვაშლოვანის ნაკრძალში

https://drive.google.com/file/d/0B8TBzV3vLAFcVDFfeUVRSVBoMnM/view?usp=sharing 

ღია გაკვეთილი გეოგრაფიაში

   სწავლების ყველა ინოვაციური მეთოდი დაფუძნებულია იმაზე, რომ შეიქმნას საინტერესო და მნიშვნელოვანი რესურისი საგაკვთილო პროცესში მასალის უკეთ ათვისაებისა და განხორციელებისათვის. მოსწავლის მოტივაციის ამაღლება ყველა პედაგოგის ერთ-ერთი მნიშვნელოვანი საზრუნავია. სწორად შერჩეული ვიზუალური მასალები, პრეზენტაციები, ჯგუფებში თამაში იწვევს როგორც მოსწავლის დაინტერესებას საგნით,მ ისე მის უკეთ ათვისებას. საჩვენებელი მასალები შედეგზე ორიენტირებული უნდა იყოს, რადგან საგნის ათვისება მოსწავლისათვის გულისხმობს არა მხოლოდ დამახსოვრებას, არამედ ინფორმაციის ცოდნად გარდაქმნას და მის შენახვას დიდი ხნის განმავლობაში.                                                                                                                                                                           ინოვაციურ მეთოდებს მიეკუთვნება: საგანმანათლებლო თამაშების აქტიური გამოყენება,რაც ხშირად გამოიყენება წმინდა ნიკოლოზის სახელობის სკოლის მოსწავლეებთან მუშაობის დროს.

  2012 წლის 30 ნოემბერს  IX კლასში გეოგრაფიის მასწავლებელმა ქალბატონმა მაია მაძღარაშვილმა ჩაატარა ღია გაკვეთილი სახელწოდებით ”სავაჭრო ურთიერთობის განვითარება ძველ კოლხეთსა და საბერძნეთს შორის”,  სადაც რესურსად გამოყენებული იქნა მის მიერვე შექმნილი ელექტრონული საგანმანათლებლო თამაშები ” მოგზაურობა კოლხეთში” და ”საქართველოს რუკა”. გაკვეთილს ესწრებოდნენ: სკოლის დირექტორი-ქ-ნი მანანა გიორგაძე, სასწავლო ნაწილი-ქ-ნი მზია თედორეძე, ვახუშტი ბაგრატიონის სახელობის გეოგრაფიის ინსტიტუტის დირექტორი ქ-ნი ნანა ბოლაშვილი, ”ახალი სკოლის” გეოგრაფიის მასწავლებელი ქ-ნი ბელა ბიჩინაშვილი და სხვები.

        გაკვეთილის მიზანი:

1.      ელექტრონული თამაშის გამოყენების საფუძველზე მოიპოვონ საჭირო ინფორმაცია ძველი კოლხეთისა და საბერძნეთის შესახებ.

2.      არქეოლოგიური და სხვა მოძიებული მასალების საფუძველზე  განსაზღვრონ მეურნეობის დარგები ძველ კოლხეთში.    

     ამოცანები;

      მოსწავლეებმა დაადგინონ:

·         რა გეოგრაფიულ ობიექტებს გადიოდნენ ბერძენი ვაჭრები ათენიდან ფაზისამდე?

·         განისაზღვროს, თუ რა წარმოადგენდა ექსპორტ-იმპორტის საგანს ბერძნულ ქალაქებსა და კოლხ მოსახლეობას შორის?

·         მოახდინონ საქართველოს ძველი და თანამედროვე დასახლებული პუნქტების დაწყვილება.

·         განსაზღვრონ მოცემული ქალაქის (ფაზისის) გეოგრაფიული კოორდინატები.

·         გააანალიზონ კოლხეთის ზღვისპირა ქალაქების სამეურნეო დანიშნულება.

პედაგოგთა ტრენინგი გეოგრაფიაში

   2012 წლის 4-7 მაისს კახეთის რეგიონში ქ. თელავის მეშვიდე საჯარო სკოლაში ჩატარდა საგნობრივი ტრენინგი გეოგრაფიაში. პროგრამის მიზანი იყო მასწავლებელთა პროფესიული განვითარება, ცოდნის ამაღლება და სერთიფიცირების პროცესისათვის მომზადება.

კონფერენცია

   2011 წლის 19 დეკემბერს საქართველოს ალექსანდრე ჯავახიშვილის სახელობის გეოგრაფიულ საზოგადოებაში გამართულ XV სამეცნიერო კონფერენციაზე -”გეოგრაფიის თანამედროვე პრობლემები”- გაკეთდა მოხსენება ”საგანმანათლებლო თამაშების გამოყენება საგაკვეთილო პროცესში”.





                                        

ლაშქრობა ვაშლოვანის ნაკრძალში

თბილისის 51-ე საჯარო სკოლის მხარეთმცოდნეობის კლუბის ინიციატივით 9-10 აპრილს მოეწყო ორდღიანი ლაშქრობა ვაშლოვანის ნაკრძალში. ლაშქრობის მიზანი იყო პროექტის (”ქიზიყის ბუნებრივი და ისტორიული ძეგლების ჩართვა ტურიზმის განვითარბაში”) გაგრძელება.
პროექტის სახელწოდება: საქართველოს დაცული ტერიტორიების ჩართვა ტურიზმის განვითარებაში
პროექტის მონაწილეები: X კლასის მოსწავლეები
მასწავლებლები: მაია მაძღარაშვილი (გეოგრაფიის პედაგოგი), ტანია შესტაკოვა (ინგლისურის მასწავლებელი), შალვა თევზაძე (ფიზკულტურის მასწავლებელი)
პროექტის მიზანი: ვაშლოვანის ნაკრძალის შესწავლა და პოპულარიზაცია
პროექტის ამოცანები:

• ნაკრძალის შესახებ სამეცნიერო და მხატვრული ლიტერატურის გაცნობა
• ვაშლოვანის ნაკრძალის ბიომრავალფეროვნების შესწავლა
• ვებ-გვერდის შექმნა
• ნაკრძალის, როგორც ტურისტული ზონის პოპულარიზაცია