საერთაშორისო პროექტი „მსოფლიოს ყველაზე მასშტაბური გაკვეთილი“

  მასწავლებელთა პროფესიული განვითარების ეროვნული ცენტრი შეუერთდა გაეროს ბავშვთა ფონდის მხარდაჭერით დაგეგმილ პროექტს, რომელიც გულისხმობს გაკვეთილის ჩატარებას გაერთიანებული ერების ორგანიზაციის მიერ შემუშავებული “მდგრადი განვითარების გლობალური მიზნების“ გაცნობის მიზნით. გაკვეთილი ჩატარდა მთელს მსოფლიოში კონკრეტულ დღეებში ერთდროულად მსოფლიოს უამრავი ქვეყნის სხვადასხვა სკოლაში. პროექტში მონაწილეობას იღებდენ ინგლისური ენისა და გეოგრაფიის მასწავლებელთა წყვილები. გაკვეთილი უნდა ჩატარებულიყო 2016 წლის 19-23 სექტემბერის კვირაში.  ღონისძიება ეძღვნებოდა გენდერული თანასწორობის თემას. გაკვეთილის სამიზნე ჯგუფს წარმოადგენდა საშუალო სკოლის (X, XI, XII) კლასის მოსწავლეები. 

N51 საჯარო სკოლა შეუერთდა პროექტს და 2016 წლის 21-22 სექტემბერს XI² კლასში გეოგრაფიის მასწავლებელმა-მაია მაძღარაშვილმა და ინგლისური ენის პედაგოგმა-მაია ლომიშვილმა ჩაატარეს ინტეგრირებული გაკვეთილი - „From Where I Stand“. მოსწავლეებმა  შეასრულეს დავალებები და საგაკვეთილო პროცესშივე გადააგზავნეს თავიანთი ნამუშევარი ინტერნეტით. ამავე დროს  მოხდა გაკვეთილის ვიდეო-გადაღება და 3-4 წუთის მოცულობის ვიდეოკლიპის მომზადება.

ვიდეო-კლიპი:
https://drive.google.com/file/d/0B8TBzV3vLAFcb3lqLUNNOTAyTE0/view?